លោកប្រធាននាយកដ្ឋានវាយតម្លៃទទួលស្គាល់ និងមន្រ្តី០១រូប បានចូលរួមជាមួយ APLAC Peer Evaluation Team ពីថ្ងៃទី២១ ដល់២៧​ ខែកក្កដា ឆ្នាំ២០១៨ នៅប្រទេសម៉ាឡេស៊ី

លោក ជ្រៀន សេងគង់ ប្រធាននាយកដ្ឋាន និងលោក ហូតយ សុភាព​ អនុប្រធានវាយតម្លៃទទួលស្គាល់ នៃក្រសួងឧស្សាហកម្ម និងសិប្បកម្ម បានចូលរួមជាមួយក្រុម Peer Evaluation Team ក្នុងនាមជាអ្នកអង្កេតការណ៍ (Observation) ចុះធ្វើការវាយតម្លៃទៅលើសមត្ថភាពអង្គភាពវាតម្លៃទទួលស្គាល់នៃ Standards Malaysia។ ការចុះវាតម្លៃនេះបានប្រព្រឹត្តទៅចាប់ពីថ្ងៃទី២១ ដល់​២៧ ខែកក្កដា ឆ្នំា២០១៨ នៅប្រទេសម៉ាឡេស៊ី។

លោកប្រធាននាយកដ្ឋានវាយតម្លៃទទួលស្គាល់ និងមន្រ្តី០១រូប បានចូលរួមក្នុងកិច្ចប្រជុំប្រចាំឆ្នាំ២០១៨ នៃស្ថាប័ន APLAC/PAC ថ្ងៃទី០១ ដល់០៩​ ខែមិថុនា ឆ្នាំ២០១៨ នៅទីក្រុង Kyoto ប្រទេសជប៉ុន

លោក ជ្រៀន សេងគង់ ប្រធាននាយកដ្ឋានវាយតម្លៃទទួលស្គាល់ ក្រសួងឧស្សាហកម្ម និងសិប្បកម្ម និងមន្រ្តីចំនួន​០១រូប បានចូលរួមក្នុងកិច្ចប្រជុំប្រចាំឆ្នាំ២០១៨ នៃស្ថាប័ន APLAC/PAC ដែលបានប្របព្រឹត្តទៅចាប់ពីថ្ងៃទី០១ ដល់​០៩ ខែមិថុនា ឆ្នំា២០១៨ នៅទីក្រុង Kyoto ប្រទេសជប៉ុន។

ឯកឧត្តមកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្រ្តី រដ្ឋមន្ត្រីក្រសួងឧស្សាហកម្ម និងសិប្បកម្ម អញ្ជើញចូលរួមជាអធិបតីភាពដ៏ខ្ពង់ខ្ពស់ក្នុងទិវាវាយតម្លៃទទួលស្គាល់ពិភពលោកឆ្នាំ២០១៨ ក្រោមប្រធានបទ "ការផ្តល់សុវតហថិភាពបន្ថែមទៀតដល់ពិភពលោក" នាថ្ងៃទី២៤ ខែឧសភា ឆ្នាំ២០១៨ នៅទីស្តីការក្រសួងឧស្សាហកម្ម និងសិប្បកម្ម

ឯកឧត្តមកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្រ្តី រដ្ឋមន្ត្រីក្រសួងឧស្សាហកម្ម និងសិប្បកម្ម បានអញ្ជើញជាអធិបតីក្នុងទិវាវាយតម្កៃទទួលស្គាល់ពិភពលោកសម្រាប់ឆ្នាំ២០១៨ ក្រោមប្រធានបទ "ការផ្តល់សុវត្ថិភាពបន្ថែមទៀតដល់ពិភពលោក" នាថ្ងៃទី២៤ ខែឧសភា ឆ្នា២០១៨ ។ ទិវានេះ បានប្រព្រឹត្តទៅនាថ្ងៃទី៣២៤ ដល់២៥ ខែឧសភា ឆ្នាំ២០១៨ នៅសាលប្រជុំបាខែងជាន់ទី០៩ ទីស្តីការក្រសួងឧស្សហកម្ម និងសិប្បកម្ម រាជធានីភ្នំពេញ ប្រទេសកម្ពុជា ក្រោមកិច្ចសហការរវាងក្រសួងឧស្សាហកម្ម និងសិប្បកម្ម និងស្ថាប័ន PTB នែប្រទេសអាល្លឺម៉ង់។

វគ្គបណ្តុះបណ្តាលស្តីពី ស្តង់ដារអន្តរជាតិ GMP/HACCP, ISO 22000, ISO/TS 22003, ISO/IEC 17021-1 និងប្រព័ន្ធនៃការងារអធិកាកិច្ច និងវិញ្ញាបនបត្រកម្ម​សម្រាប់ការធ្វើពាិណិជ្ជកម្មអន្តរជាតិ

នាយកដ្ឋានវាយតម្លៃទទួលស្គាល់ បានសហការជាមួយការិយាល័យជាតិនៃស្តង់ដារទំនិញ និងចំណីអាហារកសិកម្ម (ACFS) ក្រសួងកសិកម្ម និងសហការណ៍ ប្រទេសថៃ រៀបចំវគ្គបណ្តុះបណ្តាលស្តីពី ស្តង់ដារអន្តរជាតិ GMP/HACCP, ISO 22000, ISO/TS 22003, ISO/IEC 17021-1 និងប្រព៏ន្ធនៃការងារអធិការកិច្ច និងវិញ្ញាបនបត្រកម្ម សម្រាប់ការធ្វើពាណិជ្ជកម្មអន្តរជាតិ ។ វគ្គបណ្តុះបណ្តាលនេះ មានការចូលរួមពីមន្រ្តីនៃនាយកដ្ឋានវាយតម្លៃទទួលស្គាល់ និងអ្នកជំនាញដែលបានមកចុះបញ្ជីនីនាយកដ្ឋាន មកពីស្ថាប័នពាក់ព័ន្ធ ដោយបានប្រព្រឹត្តទៅចាប់ពីថ្ងៃទី០៤ ដល់០៧ ខែធ្នូ ឆ្នាំ២០១៧ នៅទីស្តីការក្រសួងឧស្សាហកម្ម និងសិប្បកម្ម ។

ឯកឧត្តម សាត សាមី រដ្ឋលេខាធិការ ក្រសួងឧស្សាហកម្ម និងសិប្បកម្ម បានចូលរួមជាអធិបតិក្នុងពិធីប្រគល់វិញ្ញាបនបត្រវាយតម្លៃទទួលស្គាល់ ISO/IEC 17025: 2005 នៃមជ្ឈមណ្ឌលមាត្រាសាស្ត្រជាតិ

ឯកឧត្តម សាត សាមី រដ្ឋលេខាធិការ និងជាតំណាងដ៏ខ្ពង់ខ្ពស់ ឯកឧត្តម ចម ប្រសិទ្ធ ទេសរដ្ឋមន្រ្តី រដ្ឋមន្ត្រីក្រសួងឧស្សាហកម្ម និងសិប្បកម្ម បានអញ្ជើញជាអធិបតីក្នុងពិធីប្រគលវិញ្ញាបនបត្រវាយតម្លៃទទួលស្គាល់មន្ទីរពិសោធន័ធ្វើព្យាសកម្ម ISO/IEC 17025: 2005 មជ្ឈមណញឌលមាត្រាសាស្រ្តជាតិ (NMC)។ វិញ្ញាបនបត្រនេះ  ត្រូវបានផ្តល់ជូនដោយ នាយកដ្ឋានវាយតម្លៃទទួលស្គាល់ ( DA) នៃក្រសួងឧស្សាហកម្ម និងសិប្បកម្ម កម្ពុជា និងអង្គភាពវាយតម្លៃទទួលស្គាល់ BOA ក្រសួងវិទ្យាសាស្រ្ត និងបច្ចេវិទ្យា នៃប្រទេសវៀតណាម ជូនដល់មន្ទីរពិសោធន៍ធ្វើព្យាសកម្មរបស់់មជ្ឈមណ្ឌលមាត្រាសាស្រ្តជាតិ ដែលបានអនុលោមតាមស្តង់ដារអន្តរជាតិ ISO/IEC 17025: 2005។ ពិធីប្រគល់វិញ្ញាបនបត្រនេះ បានប្រព្រឹត្តទៅនាព្រឹកថ្ងៃទី៣០​ ខែតុលា ឆ្នាំ២០១៧ នៅសាលប្រជុំបាខែងជាន់ទី០៩ ទីស្តីការក្រសួងឧស្សហកម្ម ណិងសិប្បកម្ម រាជធានីភ្នំពេញ ប្រទេសកម្ពុជា។

វគ្គបណ្តុះបណ្តាលស្តីពី ការអនុវត្តផ្ទាល់លើការចុះវាយតម្លៃទទួលស្គាល់មន្ទីរពិសោធន៍ (Mock Assessment) ដែលបានប្រព្រឹត្តទៅពីថ្ងៃទី១៦ ដល់​​ ២០ ​ខែតុលា​ ឆ្នាំ២០១៧​ នៅរាជធានីភ្នំពេញ

វគ្គបណ្តុះបណ្តាលស្តីពី ការអនុវត្តផ្ទល់លើការចុះវាយតម្លៃទទួលស្គាល់មន្ទីរពិសោធន៍ (Mock Assessment) តាមស្តង់ដារ  ISO/IEC 17025: 2005 បានប្រព្រឹត្តទៅចាប់ពីថ្ងៃទី១៦ ដល់ ថ្ងៃទី២០ ខែតុលា ឆ្នំា២០១៧ នៅ រាជធានីភ្នំពេញ ប្រទេសកម្ពុជា។ ។​ វគ្គបណ្តុះបណ្តាលនេះ មានការចូលរួមពីមន្រ្តីនាយកដ្ឋានវាយតម្លៃទទួលស្គាល់ទាំងអស់ និងអ្នកជំនាញផ្នែកបច្ចេកទេស មកពីមន្ទីរពិសោធន៍ស្ថាប័នរដ្ឋ និងឯកជន ឌេលសរុបមានចំនួន​២០ នាក់ ព្រមទាំងមានការណែនាំ និងចង្អុលបង្ហាញពីអ្នកជំនាញ PTB។ ការចុះអនុវត្តផ្ទាល់ ត្រូវបានចែកជាពីរក្រុម ក្រុមទី១ ចុះទៅមន្ទីរពិសោធន៍ Bureau Veritas (Cambodia) Limitd. និងក្រុមទី២ ចុះទៅមន្ទីពិសោធន៍ Itertek Testing Service (Cambodia) ltd. វគ្គបណ្តុះបណ្តាលនេះ បានរៀបចំឡើងដោយនាយកដ្ឋានវាយតម្លៃទទួលស្គាល់ នៃក្រសួងឧស្សាហកម្ម និងសិប្បកម្ម និងមានការគាំទ្រដោយស្ថាប័ន PTB នៃប្រទេសអាល្លឺម៉ង់។