ក្រុមប្រឹក្សាជាតិវាយតម្លៃទទួលស្គាល់កម្ពុជា មានភារៈកិច្ចសំខាន់ៗដូចខាងក្រោម៖

• ពិភាក្សា និងផ្តល់យោបល់អំពីកម្មវិធីការងារ គម្រោងថវិកាសាមញ្ញ និងវិសាមញ្ញប្រចាំឆ្នាំ និងរបាយការណ៍ប្រចាំឆ្នាំ របស់អគ្គនាយកដ្ឋានវាយតម្លៃទទួលស្គាល់នៃកម្ពុជា ដើម្បីស្នើសុំការយល់ព្រមពីក្រសួងទទួលបន្ទុក និងក្រសួងពាក់ព័ន្ធ។
• ពិនិត្យនិងផ្តល់អនុសាសន៍លើរចនាសម្ព័ន្ធ (ប្រព័ន្ធគ្រប់គ្រង) បែបបទ និងនិតិវិធីផ្សេងៗដែលរៀបចំឡើងដោយអគ្គនាយកដ្ឋានវាយតម្លៃទទួលស្គាល់នៃកម្ពុជា។
• ពិនិត្យតាមដានរាល់កិច្ចដំណើរការរបស់អគ្គនាយកដ្ឋានវាយតម្លៃទទួលស្គាល់នៃកម្ពុជា។
• ធានាអះអាងជំនួសឲ្យរាជរដ្ឋាភិបាលកម្ពុជា និងស្ថាប័នអន្តរជាតិពាក់ព័ន្ធផ្សេងៗនូវរាល់កិច្ចដំណើរការ និងការសម្រេចចិត្តនានាគឺត្រូវបានធ្វើឡើងដោយអព្យាក្រឹត្យភាព និងឯករាជ្យភាព។
• បង្កើតគណៈកម្មាធិការ (ad hok committee) ដើម្បីដោះស្រាយរាល់ការប្តឹងតវ៉ាទៅនឹងការសម្រេចចិត្តរបស់អគ្គនាយកនៃអគ្គនាយកដ្ឋានវាយតម្លៃទទួលស្គាល់នៃកម្ពុជា។