អគ្គនាយកដ្ឋានវាយតម្លៃទទួលស្គាល់នៃកម្ពុជា

សូមស្វាគមន៍
អគ្គនាយកដ្ឋានវាយតម្លៃទទួលស្គាល់នៃកម្ពុជា (GDAC)

អគ្គនាយកដ្ឋានវាយតម្លៃទទួលស្គាល់នៃកម្ពុជា (GDAC) មាននាយកដ្ឋានចំណុះចំនួន៣ ស្ថិតក្រោមការគ្រប់គ្រងរបស់ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ (MISTI) ដែលទទួលបន្ទុកជាអង្គភាពជាតិក្នុងការផ្តល់ការវាយតម្លៃទទួលស្គាល់ដល់អង្គភាពវាយតម្លៃភាពអនុលោមទាំងអស់ក្នុងប្រទេសកម្ពុជា មានដូចជា៖ មន្ទីរពិសោធន៍ធ្វើវតេស្តនិងព្យាសកម្ម អនុលោមតាមស្តង់ដារអន្តរជាតិ ISO/IEC 17025 មន្ទីរពិសោធន៍វេជ្ជសាស្រ្ត ISO 15189 អង្គភាពចេញវិញ្ញាបនបត្របញ្ជាក់ភាពអនុលោមស្តង់ដារផលិតផល ISO/IEC 17065 អង្គភាពចេញវិញ្ញាបនបត្របញ្ជាក់ភាពអនុលោមស្តង់ដារប្រព័ន្ធគ្រប់គ្រង ISO/IEC 17021 អង្គភាពបញ្ជាក់សុពលភាព និងផ្ទៀងផ្ទាត ISO 14065, ISO/IEC 17029 និងអង្គភាពអធិការកិច្ច អនុលោមតាមស្ត់ដារអន្តរជាតិ ISO/IEC 17020 ។ល។

អគ្គនាយកដ្ឋានវាយតម្លៃទទួលស្គាល់នៃកម្ពុជាបំពេញការងារក្រោមការត្រួតពិនិត្យ ផ្តល់អនុសាសន៍ និងចង្អុលបង្ហាញពីក្រុមប្រឹក្សាជាតិវាយតម្លៃទទួលស្គាល់កម្ពុជា (ក.ជ.វ.ទ.ស) ដែលដឹកនាំដោយ ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍។

អគ្គនាយកដ្ឋានវាយតម្លៃទទួលស្គាល់នៃកម្ពុជា នៃក្រុមប្រឹក្សាជាតិវាយតម្លៃទទួលស្គាល់បានទទួល Signatory MRA ពីស្ថាប័នវាយតម្លៃទទួលស្គាល់អន្តរជាតិផ្នែកមន្ទីរពិសោធន័ (ILAC) លើវិសាលភាពនៃការវាយតម្លៃទទួលស្គាល់មន្ទីរពិសោធន៍ធ្វើតេស្ត និងបានក្លាយជាសមាជិកពេញសិទ្ធនៃស្ថាប័ន ILAC នេះ ចាប់តាំងពីខែសីហា ឆ្នាំ២០២៣។

រូបសញ្ញាក្រសួង និងនិមិត្តសញ្ញា GDAC